شيرين عبد الوهاب في أول ظهور لها بعد اختفائها: بقول لجمهوري السمكة رجعت للبحر من جديد ولو كنت اتأخرت عليكم سامحوني

أعربت الفنانة شيرين عبد الوهاب عن سعادتها البالغة بعودتها لجمهورها من جديد من خلال حفلها في دبي، المقرر إقامتها ضمن عطلة عيد الفطر المبارك.

وقالت شيرين عبد الوهاب خلال لقائها مع “et بالعربي”: أنا سعيدة برجوعي من أول حفلة الكويت ودلوقتي دبي، وبحضر مفجآت لجمهوري،مبسوطة أني رجعت لحياتي والسمكة رجعت للبحر والناس وحشاني بشكل كبير وحشني شغلي.

حفلة شيرين عبد الوهاب بدبي

وواصلت: لو كنت اتأخرت عليكم كانت بسبب ظروف نفسية أكبر مني وكان الإختفاء ده محتاجاه بقالي سنين، أنا بشتغل من وأنا عندي 13 سنة، وفي 25 سنة كنت مشهورة فيهم، فده كان كبير أوي عليا وسنين حلوة ومليانة نجاحات، فكنت محتاجة أخد اجازة لكن دلوقتي الحمد لله تعافيت، بس فيه شوية حاجات تعباني.

وأضافت: بحس أن كل البنات اللي في سني بناتي والجمهور بحسهم ولادي أو أنا بنتهم، أنا تحت أمر الجمهور اللي شارك في مسيرتي وعملني وبحب الأحساس الجميل منهم

وتابعت: الفنانين كان زيهم زي الجمهور عايزني أرجع من جديد، واسمي مادام اتحط في دعايا هبقى جاية وكنت حريصة أعمل لقاء عشان أعرف اني وصلت دبي، أنا مخسرتش السوشيال ميديا بتاعتي في شوية إدارات بتخلص وهترجع من جديد، وبحب المسؤولية أوي وبحب استقبال الجمهور، ومش هنسى أن أول حفلة عملتها في حياتي كانت بدبي.

وأختتمت شيرين عبد الوهاب قائلة: هغني أغنيتين جداد على مسرح دبي، وهغني اللي مغنتهوش في دبي قبل كده، وعندي شوية مشاكل إدارة مع شركة روتانا، وطرح الأغاني الجديدية بعد ما تخلص المشاكل، ومستنياكم في الحفلة يوم 28 وعايزة الحفلة تكون مليانة عشان نفسي أشوفكم وأوعدكم وهتشوفوا بناتي على المسرح معايا.