محمد سمير مبروك لـ«بصراحة»: محمد رمضان أعجب بالفيلم وقالي يلا نعملوا.. وفريق العمل مكنش حاسس أنه بيصور لمدة 54 ساعة

تحدث الكاتب والسيناريست محمد سمير مبروك عن تفاصيل فكرة فيلم هارلي، مشيرًا أنه أخد فترة كبيرة حتى يتم اتخاذ قرار التنفيذ.

قال محمد سمير مبروك لموقع «بصراحة»: فكرة الفيلم بدأت من سنة 2014 بصدد أننا نعملوا من تلك الفترة بس محصلش نصيب وقتها.

وتابع محمد سمير: جه محمد رمضان قبل شهر رمضان المبارك بأسبوعين تقريبًا قالي إننا نعملوا، وأشتغلنا على الورق وصورنا والفيلم في خط من الرومانسية وهو كوميدي أكشن كمان، اللوك بتاع محمد رمضان هو اللي أختاره بعد ما ذاكر الشخصية.

ورد السيناريست محمد مبروك على تصوير فريق العمل 54 ساعة متواصلة: الفيلم كان محتاج كدة، لان محمد رمضان كان بيصور مسلسل جعفر العمدة والفيلم حصل أزمة وكنا محتاجين إننا نعمل كدة، وحصل مجهود جبار من الناس وكمان علشان يلحق يخش المونتاج.

وأضاف الكاتب محمد سمير مبروك: فريق العمل كان فرحان من أول محمد رمضان ومي عمر والمخرج وكل المتواجدين علشان كدة مكناش حاسيين بالوقت ده وكانت الكواليس حلوة.

فيلم هارلي

ويعرض فيلم هارلي ضمن قائمة أفلام عيد الفطر ٢٠٢٣، وتدور أحداثه في إطار أكشن إثارة، حول عودة هارلي - محمد رمضان - مهندس الميكانيكا من الخليج مع عائلته ليستكمل دراسته في مصر، وبسبب ذكائه وسرعته ينضم إلى إحدى العصابات، ويصير العنصر الأهم والأقرب إلى زعيم العصابة.

ويشارك في بطولة الفيلم عدد كبير من النجوم والنجمات، منهم: محمد رمضان، مي عمر، محمود حميدة، أحمد داش، حسني شتا، مي كساب، إسماعيل فرغلي، باسل الزارو، حازم إيهاب، وغيرهم من الفنانين، والفيلم من تأليف محمد سامي، وإخراج محمد سمير.