ميدو: « الأهلي بيحاول يشتت تركيز الزمالك بالحديث عن إيقاف كهربا قبل مواجهة السوبر»

أكد أحمد حسام ميدو لاعب الزمالك السابق، أن الأهلي يحاول أن يشتت تركيز الزمالك ولاعبيه قبل مواجهة السوبر بالحديث عن إيقافمحمودكهربا، مشددًا أنه يجب على مسئوولي الفارس الأبيض عدم الإنسياق وراء تلك الأمور.

مخطط الأهلي

وقال ميدو في تصريحات تليفزيونيه ببرنامج “زملكاوي” عبر قناة “الزمالك”: “كل مايحدث من تصريحات من شوبير والصحفيين وسائل ضغط، الزمالك المفروض ميشربش الطعم اللي الأهلي بيرميه دلوقتي، هو عاوز يحطك تحت ضغط وخناقتك كلها تبقى كهربا ويبعدك عن تركيزك قبل السوبر”.

وأضاف:” الزمالك كده كده اخد حقه في قضية كهربا، انا لو صاحب قرار بالزمالك مش هكلم عن الموضوع ولاهشتت لعيبتي وأعتبر كهربا هيلعب واقول كده للاعبيتي”.

وشدد ميدو: “مفيش إستئناف بيوقف عقوبه في العالم كله، اللجنة إستندت في ايه ان التظلم لايوقف عقوبة امام عاشور؟، لحيثيات القرار اللي بتقول اللاعب عمل حاجه جامده”.

أول مرة أشوف تراجع في القرار

وتابع:” لجنة الإنضباط رأت أن في كارثة وكهربا أهان نادي من أكبر أندية الشرق الأوسط، ومينفعش المستشار عادل الشوربجي يوقف العقوبه”

وأختتم: “كهربا بيتظلم ضد لجنة الإنضباط ومفيش سوابق ان لجنة التظلمات توقف القرار، ولكن في سوابق نفذت العكس مع إمام عاشور وشيكابالا ومعايا ومع حازم إمام ورفضت رفع الايقاف رغم التظلم، ومتلعبش جيم أصل اللجنه اسمها ايه وشوف العصفوره”.