حمادة هلال: لو ظهر جن في الكواليس كنا طيرنا في الجو.. ولوسي لما قالت كده كانت عندها برد |خاص

كشف الفنان حمادة هلال عن حقيقة ظهور الجن في كواليس تصويرهم مسلسل المداح بأجزاءهالثلاث، مشيرًا إلى أنه لم يظهر لهم أي شئ ولم يواجهوا أي أزمات خلال العمل.

وقال حمادة هلال خلال لقائه مع موقع “بصراحة”: محصلش أي موقف من الجن في كواليس العمل وبعدين المسلسل 3 أجزاء لو حصل حاجة كان زماني طاير في الجو.

وعن ترشيح النجوم في دور الجن، قال: بنظبط الأول وبنشوف مين اللي نفع في دور الجنية كذا وبنرتب كل شئ مع بعض.

وأضاف: لوسي لما قالت أن في جن في اللوكيشن، كان الجو برد اليوم ده وهي كانت لابسه خفيف وجتلها رعشة بسبب البرد مش أكتر.

مسلسل المداح 3

مسلسل «المداح» الجزء الثالث من بطولة حمادة هلال وهبة مجدي ويسرا اللوزي ومحمد عز وعصام السقا ودنيا عبد العزيز وحنان سليمان وهلا السعيد وعفاف رشاد وخالد سرحان ومحمود عامر وبسمة ماهر وتامر شلتوت وسلمى أبو ضيف ورانيا فريد شوقي ومحمد مهران ولوسي وعبد العزيز مخيون وأحمد ماهر وصبحي خليل وأحمد كشك، إنتاج شركة سكرمو ميديا- إسلام المرسي، من تأليف وليد أبو المجد وأمين جمال وشريف يسري ومن إخراج أحمد سمير فرج.