أشرف زكي: اللي شايف الفن حرام ميشتغلهوش.. لكم دينكم وليا دين

حرص الفنان أشرف زكي نقيب المهن التمثيلية بالرد على تصريحات الشيخ حاتم الحويني، حول حرمة العمل في الفن، وذلك خلال لقائه برنامج VIP، المذاع عبر شاشة قناة "هي" مع الإعلامية أميرة بدر. وقال أشرف زكي: حاتم الحويني بيكره الفن والفنانيين وإحنا بينا وبينه القضاء، وكل شوية بنتشتم وأي حاجة بنعملها بنتسب، هو فيه في الدين أن تتهم ناس بالفسق والفجور؟ يعني يا أيها الذين آمنوا إِن جاءكم فاسِق بنبإ فتبينوا أن تصِيبُوا قومًا بِجَهَالةٍ فَتُصبِحُوا على ما فعلتُم نادِمِين، تتهم الناس إزاي بالفسق والفجور؟ هل دا في الدين؟. وأضاف: احنا بينا وبينه قانون ورفعت عليه قاضية لما شتمني شخصيًا وكسبتها وخدت عليه تعويض، ورفعت عليه قضية تانية لما شتم على الأعمال الفنية في رمضان، في ناس ربنا يكون في عونها ويسامحها ومش عارف شايفنا كده ليه، حسبي الله ونعم الوكيل فيه وربنا هو المنتقم. وتابع: اللي شايف الفن حرام خلاص ميشتغلوش، لكم دينكم وليا دين، وكل الاحترام والتقدير لأي حد وأنا بحترم مهنتي وبقدسها ولو حد شايف حاجة تانية هو حر.