الرئيس السيسي: المفروض نتكلم ونحسن كلامنا وسلوكنا ومحتاجين نراقب نفسنا

قال الرئيس عبد الفتاح السيسى ردا على إحدى السيدات وتدعى نعمة من أهالى الأسمرات: "المفروض ولادنا ما يشوفوش فينا تعبير مش جميل وحتى لما نلاقى عمل فى الدراما المفروض نتكلم ونحسن من كلامنا ومن سلوكنا ومحتاجين نراقب نفسنا يعنى حسيب رقيب والنهاردة يوم جميل بيكم كلكم وأنا فى وسطكم فى نعمة كبيرة".

وأوضح الرئيس عبد الفتاح السيسى ردا على إحدى السيدات وتدعى نعمة من أهالى الأسمرات: "دائما بقول للمسئولين عاوزين نعمل برامج مخلصة علشان انتوا أهلنا وأنا بتشرف أن أنتم أهلى وأنا راجل بسيط زيكم والبركة فى ربنا والشكر دايما موصول لله وهو اللى قدرنا نعمل ده".

وأضاف الرئيس السيسي: "بنقول لربنا شكرا لو حد فينا مش بيقرأ ويكتب ما نستخسرش نعلمه لو حد فينا بيستغل لازم يعلم اللى مش بيعرف مش عاوزين حد بينا فقير طول ما القلوب مع بعض ربنا هيساعد بأفكار ودعم، وربنا يقدرنا على كل حاجة جميلة واللى اتعمل مش بيا لوحدى بينا كلنا وكل المسئولين لهم دور فى هذا وبقولهم متشكرين ونشتغل أكثر".