مي سليم تكشف سبب انفصالها في اليوم الـ 10 من زواجها: هو عارف كويس السبب

كشفت الفنانة مي سليم عن سبب انفصالها من طليقها وليد فواز بعد زواج لم يدوم إلا 10 أيام فقط.

وقالت مي سليم خلال لقائها مع الإعلامية بسمة وهبة ببرنامج العرافة المذاع على قناة النهار: الموقف اللي عمله وليد كان غلط أنه يطلع يحكي أسراره عن بنادمة كانت في يوم مراته، لانه ده عيب".

وأضافت مي: " أنا اللي أصريت على الانفصال من أول يوم جواز، ولما أنا طلبت ده، كان مرحب جدًا بس كان مندهش بسرعة القرار فقط، ومفيش بنت تتجوز وتخش في علاقة علشان تطلق، أكيد لا بس هي كانت تجربة سيئة".

وتابعت: " هو وليد عارف هو عمل ايه بالظبط، بس ممكن رد فعلي هو اللي زعل الناس كثير لان عندي بنت كمان، بس أنت كنت مرحب جدًا بالفكرة إننا ننفصل، المشكلة بدأت من أول يوم جواز، بس هو سبب مش أقدر أحكي".

أغنية أحنا البنات

وتعيش مي سليم حالة من النشاط الغنائي، حيث طرحت مؤخرا أغنيتها أحنا كبنات، من كلمات محمد مصطفى ملك، لحن محمود أنور، توزيع محمد مجدي، وإنتاج آلاء لاشين.

وتشارك مي سليم في السباق الرمضاني 2023 بمسلسل تلت التلاتة، بطولة: غادة عبدالرازق، محمد القس، ليلى أحمد زاهر، مصطفى دوريش، صلاح عبدالله، وآخرين، والعمل من تأليف هبة الحسيني، وإخراج حسن صالح.