ياسمين عز للستات بعد مقلب رامز:"اتفرجي واتبسطي وقومي اعملى شاي وطبق قطايف بالمكسرات للفرعون المسكر"

اثارت الإعلامية ياسمين عز، الجدل على السوشيال ميديا، بعد إعلان برومو حلقة رامز جلال، وظهورها ضحية الحلقة الثالثة من برنامج المقالب"رامز نيفر إند"، المذاع على قناة "إم بي سي مصر".

وعلقت ياسمين على تعليقات الجمهور وفرحتهم بوقوعها في المقلب، حيث جاءت أغلب التعليقات "مصر كلها فرحانة النهاردة، وهتتفرج على البرنامج، ورينا الصوت الصيفي والشتوي".

وردت ياسمين على التعليقات:"يا مدام انا وعدتك انك هتشوفيني في رمضان ووفيت بوعدي، ارجوكي بعد ما تخلصي شماتة، زي مانا فرحتك، تقومي تفرحي فرعونك بكوباية شاي وطبق قطايف بالمكسرات وماتحطيش سكر علشان منبع السكر قاعد جنبك، مشاهدة ممتعة يا مدام".

وعلق جمهور السوشيال ميديا على حديث ياسمين عز، :"هناك كيد نسا وهناك ياسمين عز"، كل البنات في مصر مستنين الحلقة"، في حين رد مجموعة من الرجال على ياسمين عز:" رامز ده مش فرعون ده من الهكسوس ازاي يعمل فيكي كده يا ياسمين، احنا لا يمكن نسكت له ابدا".

وكتب آخرون:"يا فرحة العالم العربي بيكي اليوم، هتفرج على البرنامج مخصوص عشانك،يا حبيبي يا رامز ربنا يكرمك على اللي هتعمله فيها عايزين نسمع بقى الصوت الشتوي النهاردة، فجأة حبينا البرنامج، صرخي وعيطي بالصوت الشتوي، رسميا أول حلقه هتفرج عليها لرامز من ٢٠١٨".

وعلق آخرون:"رح يحضر الحلقة كل الدول العربية، يا شماتة أبلة ظاظا فيها، الحلقة التي ستحقق الرقم القياسي في عدد المشاهدات، متنسيش يا النداء وأستاذ للتفخيم ورامز للتنعيم، ومن هنا نحب نشکر رامز انه حقق لنا الأمنیه دي، وبقی خلی الفراعنة ینفعوها".

كما قال اَخر :«يااااه استاذ رامز»، وعلق اَخر: «الحلقة المنتظرة في رمضان»، وقالت أخرى :«مترحمهاش يا رامز أرجوك».