البلوجر سارة: العين اليسرى حصلها ضمور.. بس أنا مش زعلانة وعندي أمل كبير 

كشفت البلوجر سارة محمد، عن حالتها الصحية، وذلك عبر فيديو على موقع تبادل الصور والفيديوهات «إنستجرام».

وأضافت: «أنا طالعة أطمنكم عليا وأشكركم جدًا لدعمك ليا وللناس اللي بتدعيلي عند الكعبة.. دي أكتر حاجة بتسبب لي السعادة، أنا حابة اطمنكم عليا أتابع معاكم، أول حاجة حابة أقولها ليكوا إني الحمد لله راضية بكل حاجة أنا وصلتلها».

واستكملت: «أنا أه فقدت عيني بس عندي أمل إنه في يوم من الأيام إن أرجع أشوف.. لسه الأمل متقطعش عندي، أنا راضية حتى لو كل حاجة اتأخرت.. انشاء الله ربنا يجعلني من الصابرين وأهل الجنة».

وتابعت: «من يومين روحت القاهرة عملت أشعة على العصب البصري لـ عيني اليمين، لأن خلاص العين الشمال حصلها ضمور ومفيش فيها أمل».

وأوضحت: «وللأسف نتيجة الأشعة وضحت إن عصب العين ضعيف جدًا، بس أنا مزعلتش لما عرفت وقولت الحمد لله، وبردوا عندي امل في ربنا انه هيعوضني خير».