هناء الشوربجي: طلعوا عليا شائعات إني زوجة محمد صبحي

تحدثت الفنانة هناء الشوربجي عن شائعة زوجها من الفنان الكبير محمد صبحي، والتي كانت تداول بين الناس في الشارع.

وقالت هناء الشوربجي خلال لقائها ببرنامج "الستات" مع الإعلامية سهير  جودة: طلعوا إشاعات إني مش بشتغل غير معاه وإني زوجته ويقفوني بالشارع والناس تتراهن على الكلام ده.

كما كشفت عن غايتها من التمثيل ، مؤكدة أنه ليس من أجل الربح المادي، حيث قالت أنا مش بسترزق من الفن أنا بشتغل عشان أبسط نفسي والكوميديا أبدا مينفعش يكون فيها شيء خادش للحياء، أنا بتابع ياسمين عبد العزيز وبحبها، ونيللي كريم وهند صبري.

هناء الشوربجي في فرقة رضا

وكما تحدثت هناء الشوربجي  عن ذكرياتها مع فرقة رضا، مؤكدة أنها من أحلى أيام حياتها، حيث قالت : أحلى أيام عيشتها لما دخلت فرقة رضا كنت زي ما بيقولوا قطة مغمضة معرفش أي حاجة في الدنيا،  رايحة بضفيرتين وأنا طالبة بإعدادي ووالدتي شجعتني أدخل الاختبار

وأضافت : فريدة فهمي كانت مثل أعلى، جميلة مثقفة متعلمة والدها دكتور، فكان وجودها في الوقت ده جميل عشان الفنون الشعبية مكانش كل الناس موافقة عليه، اتعلمت في فرقة رضا يعني إيه مسرح والتزام وأستاذ محمود رضا كان صارم جدا واتعلمت منه الجدية، الأستاذ علي رضا شقيق أستاذ محمود وزوج الأستاذة فريدة فهمي هو اللي اختارني للتمثيل.

هاملت 

كما تحدثت عن شعورها وقت عُرض عليها دور والدة محمد صبحي في مسرحية هاملت، والذي جعلها تشعر بالقلق، حيث قالت: كنت مترددة أقبل دور هامليت لان هطلع دور والدة محمد صبحي، وفعلا كان أكتر دور اتكتب عني حلو بسببه في الصحافة ، بعتبر نفسي محظوظة إن أستاذ صبحي جه في طريقي كنت ممكن أعمل أي حاجة هايفة لكن الحمد لله كل أعماله ناجحة وفيها فكر وفيها رسالة، هو حطني على الخط الصحيح. 

وأضافت:دايما بختار أدوار تناسبني ومتكسفش منها وأي حد يتفرج عليها يحترمني، في أدوار أرفضها عشان همسك فيها سيجارة أو هشرب شيشة حتى لو تمثيل من جوايا مقدرش.