ده معمول لفرعوني يا مدام.. ياسمين عز تكشف مصير برنامجها في رمضان 2023

كشفت الإعلامية ياسمين عز، عن مصير برنامجها في الماراثون الرمضاني المقبل 2023، مشيرة إلى أنها مستمرة ولن تتوقف عن العمل في رمضان.

وقالت ياسمين عز خلال برنامجها “كلام الناس”: لكل اللي مستنيني أعلن عن أجازتي في رمضان، وأقولهم إن برنامجي ده كان مقلب، لا يا مدام أنتي وهي البرنامج ده فرعوني وفيه ناس حقيقين المقلب الحقيقي إنك تعتقدي أنك متشوفنيش في رمضان.

وأضافت: في رمضان لازم نبطل عادة الفرزنة، يعني يا مدام متحطيش كل حاجة في الفريزر تحطي مخبوزات ولحوم.. ده راحة ما بعدها راحة أي يا مدام فين متعة تحضير الفطار والحوسة بتاعة رمضان فين.. كلي كل يوم بيوم.

ياسمين عز:الطبخ أهم حاجة في الجواز ومن أساسياته

في وقت سابق كانت قد كشفت الإعلامية ياسمين عز عن سبب اختيار جملة «أنا عياز أطلب إيد بنتك»، والتي تقال في مراسم الزواج.

وأضافت خلال تقديمها برنامج «كلام الناس»، المذاع عبر فضائية «MBC» مصر، مساء الخميس: «الرجل لما بيروح يطلب ايد واحدة في الأصل زمان قالوا ان الأصل في هذا الأمر أن الأيد هي اللي بتطبخ، لذلك جرت العادة على تكرار هذه الكلمة، "يا عمي أنا طالب ايد بنتك».

واستكملت: «الطبخ اهم حاجة في الزواج ومن أساسياته، وقالت: “طبعا هيردوا علينا ويقولوا هي الجواز طبخ بس وأن الطريقة دي مش هتجبلك جوازة كويسة"».