حسن شاكوش في أول ظهور له بعد الفرح: اللي مجاش حطيته في القايمة السودة

وجهمطرب المهرجانات حسن شاكوش، رسالة إلى الفنانين الذين حرصوا على حضور حفل زفافه، وكذلك وجه رسالة عتاب إلى الذين لم يحضروا، وذلك عبر حسابه على موقع التواصل الاجتماعي «فيس بوك»، وإنستجرام.

وقال في الفيديو: «حابب أشكر كل النجوم اللي جت لي الفرح وبشكر كل نجم شرفني في فرحي، وتامر حسني وجوده كبير وشرف ليا وعلى المستوى الشخصي إحنا اخوات وأنا من معجبينه ومن جمهوره وده ما يقللش مني».

وأضاف: «بشكر حمو بيكا وعمر كمال وبشكر أحمد بتشان وأحمد شيبة والمدرسة محمود الليثي ويارا محمد وحمادة مجدي وشريف المصري، ورامي صبري وجوده شرف ليا لأن حد كبير وبعشقه ورضا البحراوي ده العشق، والنجم الكبير اللي اتربينا على أغانيه مصطفى قمر ومحمد نور والنجمة وفاء عامر وماجد المصري وعصام صاصا ورندا البحيري والنجم الكبير إيهاب توفيق اللي اتربينا على أغانيه، وحمو بيكا مش أخويا ده قلبي، ومحمد شاهين وحودة بندق ورنا رئيس النجمة الكبيرة».تصريحات حسن شاكوش:

واستكمل: «إحنا في مركب واحدة واللي ما تحتاجش قفاه دلوقتي هتحتاج وشه بعدين، واللي مجاش حطيته في القايمة السودة، وأنا ماكنش ناقص لي حد وكفاية أن ماجد المصري ييجي ويقف على المسرح ومصر كلها تشوفه وهو من أنضف الشخصيات اللي عرفتها في حياتي».

وتابع: «الفرح كان متعب جدا يا جماعة لدرجة ما تتخيلوهاش وكنت بقول يا رب الفرح يخلص بسرعة، ويمكن كنت متعصب شوية لأني كنت خايف يحصل أي حاجة في الفرح تبوظه».