علا غانم: كنت مأجرة لطليقي بيت وعملاله مرتب 7 آلاف دولار

تحدثت الفنانة علا غانم عن تفاصيل أزمتها الأخيرة مع زوجها خلال لقائها مع الإعلامية ريهام سعيد،حيث قالت: “السنة اللي فاتت طلبت منه الطلاق وقولتله هديك حصة في الشركة بتاعتي ودخل في تفاوض معايا واتفقت معاه إنه ياخد 16% مقابل الطلاق وخلاص بقينا منفصلين”.

وتابعت: “ما كناش عايشين مع بعض.. كنت مأجراله بيت وعملاله مرتب 7 آلاف دولار وما كانش عايش معايا في نفس البيت.. وعربيته وكل حاجة خاصة بيه أنا اللي بدفعها عشان كان بيصعب عليا”.

زوج علا غانم

في وقت سابق كان قد أعرب عبد العزيز،زوج الفنانة علا غانمعن حزنه الشديد، بسبب ما فعلته زوجته من الاعتداء عليه هي ووالدتها، مشيرًا إلى أنه رغم ما فعلته لن يؤذيها.

وقالزوج علا غانمفي بث مباشر لـ”بصراحة”: رغم اللي عملته مرضيتش أمد إيدي عليها لإني لسه بحبها ومش عايز أضرها في حاجة، لأنها مهما كان مراتي، وكنا لسه بنحتفل بجوازنا في لاس فيجاس.

وواصل: جيت من اسكندرية وكنت جاي افتح باب البيت، لقيت شاب أسمر ووشه مقطع بيفتح الباب معرفوش أول مره اشوفه، جاي يقولي أنت مين وعايز أي، قولتله البيت ده بيتي.

وأضاف: لقيت علا طالعة من ورا كده وفي إيديها زجاجه وقالتله امسكوه وطلعوه بره بيتي، وراحت حدفت الزجاجه في وشي، والولد الاسمر الضخم ده مسكني وحدفني على الباب، ووالدتها جت وجابت حديدة وضربتني على دراعي وحصلي جرح قطعي.