علا غانم في أول ظهور لها بعد أزمـتها مع زوجها: آسفة لو كنت ضايقتكم

أعربت الفنانة علا غانم عن استيائها الشديد، بسبب انشغال الجمهور معها في أزمتها الأخيرة، مشيرة إلى أنها أصبحت أفضل من الأول.

وقالت علا غانم خلال لقائها مع الإعلامية ريهام سعيد: أنا بقيت أقوى من الأول وهكون أحسن وسامحوني لو كنت ضايقتكم الفترة اللي فاتت دي بس حقيقي غصب عني، واسفة على كل الأحداث اللي سمعتوها عني.

زوج علا غانم

في وقت سابق كان قد أعرب عبد العزيز،زوج الفنانة علا غانمعن حزنه الشديد، بسبب ما فعلته زوجته من الاعتداء عليه هي ووالدتها، مشيرًا إلى أنه رغم ما فعلته لن يؤذيها.

وقالزوج علا غانمفي بث مباشر لـ”بصراحة”: رغم اللي عملته مرضيتش أمد إيدي عليها لإني لسه بحبها ومش عايز أضرها في حاجة، لأنها مهما كان مراتي، وكنا لسه بنحتفل بجوازنا في لاس فيجاس.

وواصل: جيت من اسكندرية وكنت جاي افتح باب البيت، لقيت شاب أسمر ووشه مقطع بيفتح الباب معرفوش أول مره اشوفه، جاي يقولي أنت مين وعايز أي، قولتله البيت ده بيتي.

وأضاف: لقيت علا طالعة من ورا كده وفي إيديها زجاجه وقالتله امسكوه وطلعوه بره بيتي، وراحت حدفت الزجاجه في وشي، والولد الاسمر الضخم ده مسكني وحدفني على الباب، ووالدتها جت وجابت حديدة وضربتني على دراعي وحصلي جرح قطعي.