.png "banquemisr")
16 ساعة رعب.. تفاصيل أول ليلة للمتحرش بطفلة المعادي قبل القبض عليه.. اتعشى ونام وصحي على اتصالات «شتيمة».. فتح «فيسبوك» وتفاجأ بفضحيته.. استنجد بشقيقته فجرا ثم اختبأ بمخرن صديقه بالزاوية الحمراء
لم تمر سوى ساعات قليلة على ارتكاب واقعة هتك عرض طفلة المعادي والتحرش بها داخل أحدعقارات ميدان الحرية بالمعادي، حتى ضجت مواقع التواصل الاجتماعي بالفيديو الذي وثق أحداث الجريمة، وظهرت خلاله ملامح المتهم واضحة، وسط محاولات ناجحة للكشف عن هويته، ومطالبات بسرعة القبض عليه، لكن السؤال الأهم كيف مرت الليلة محمد جودت، المتحرش بطفلة المعادي والمتهم بهتك عرضها؟
السؤال أجاب عنه محمد جودت، نفسه خلال تحقيقات النيابة التي حصل موقع «بصراحة» على نصها الكامل، إذ أكد أنه لم يبلغ أي من أفراد أسرته بتفاصيل جريمته، قائلا: «أنا روحت اتعشيت، وكنت منهار ومستاء من نفسي، ودخلت نمت الساعة 9 باليل، وصحيت على موبايلي بيرن أرقام غربية، ورديت على أول رقم لقيت واحد بيشتمني وقفلت السكة في وشه، وكان ده الساعة 2 الفجر يوم 9 مارس، ولبست ونزلت على شغلي وماكنش جالي نوم، ولما نزلت الشارع لقيت الفيديو بتاعي مالي الفيسبوك وصورتي واضحة فيه، ورجعت على البيت تاني، غيرت البدلة ولبست اللي أنا لابسه دلوقتي، وروحت بيت أختي فى الزاوية الحمرا، ومقولتش ليها حاجة».
شاهد:انفراد| «بصراحة» ينشر 5 صور جديدة للحظة القبض على المتحرش بطفلة المعادي
وفور ذهاب المتهم بهتك عرض فتاة المعادي، إلى منزل شقيقته قرر الانتقال إلى مكان آخر، موضحا: خدت بعضي من عند أختي، وروحت لصاحبي مدحت في الزاوية الحمراء الساعة 10 الصبح، وقلتله على اللي حصل، وبعدها خدني وداني مخزن، لغاية ما يشوف المحامي لأني كنت عايز أسلم نفسي»، نافيا عن صديقه تعمد إخفائه عن أعين رجال الأمن: «هو كان قصده أني أقعد عنده لغاية ما أشوف المحامي وأسلم نفسي».
أوقات من التوتر عاشها محمد جودت، المتهم بهتك عرض طفلة المعادي، داخل المخزن التابع لصديقه، قبل أن يفاجئ برجال الأمن أمامه، إذ قال: «مدحت أول ما نزل فضلت قاعد، ومرة واحدة لقيت الحكومة جات، وأول ما شوفت الحكومة قلتلهم أنا كنت ناوي أجيلكوا، وبعدها ركبوني في عربية ترحيلات، وودوني المديرية وبعدين هنا»، موضحا أن عدد من قاموا بضبطه من رجال الأمن نحو 10 أفراد منهم من يرتدي الزي «الميري»، وآخرين بزي «ملكي».
اقرأ أيضا:أول اعترافات للمتحرش بطفلة المعادى: اديتها 5 جنيه.. والشيطان اللى خلاني أعمل كده
وواجه محقق النيابة، المتهم بهتك عرض طفلة المعادي، بفيديو الواقعة، بعد تشغيله عن طريق هاتف محمول، وبسؤاله عن صلته بالمحتوى المصور، رد: «أنا لما كنت بتحرش بالطفلة في مدخل العمارة»، وبمواجهته بأنه متهم بخطف الطفلة المجني عليها بالتحايل، حتى الاختلاء بها بعيدا عن أعين الرقباء، وهتك عرضها، قال: أنا مخطفتهاش هي اللي جات ورايا، وأنا فعلا هتكت عرضها، وندمان والشيطان هو اللي خلاني أعمل كده».
جوجل نيوز
