«اتجوزني وأنا عمري 14 سنة وبيعذبني».. القصة الكاملة لاستغاثة زوجة من زوجها بالدقهلية: جوزي مضاني على 7 وصلات أمانة غصب عني ورفع عليا قضية وطردني أنا وعيالي

“أبويا جوزني وأنا عمري 14 سنة علشان يخلص مني” بهذه الكلمات افتتحت «دنيا» حديثها مع موقع “بصراحة الإخباري” لعرض حالتها المأساوية التي تعرضت لها منذ نعومة أظافرها لتجد نفسها زوجة في عمر 14 عام وفريسة لزوج مريض نفسي وضحية لأب انتزع من قلبه الرحمة.

استغاثة زوجة من زوجها بالدقهلية

واستغاثت دنيا “ أبويا وأمي انفصلوا وأنا عمري 14 سنة وماحدش فيهم رضا ياخدني أعيش علشان كدا أبويا جوزني راجل أكبر مني بعد الجواز بقا يضربني ويتعدى عليا وبيخوني مع ستات قدامي ولما أكلمه يعذبني.

وأضافة الشابة دنيا “ جوزي زور 7 إيصالات أمانة باسمي وبقا بيهددني علشان أنزل اشتغل وياخد الفلوس من غير مااتكلم وبقا بينزلني اشتغل بالأجرة كل يوم وينزل هو يحاسب صاحب الشغل وبقا يحرمني من الأكل والفلوس.

وتابعت دنيا “لما وجهت زوجي بخيانة ليا ضربني وطردني من البيت أنا وولادي ورفع عليا قضية بإيصالات أمانة اتحكم عليا في بست سنين وفجاة لقيت نفسي مطلوب القبض عليا وعليا ديون ومسئولة عن عيالي الصغيرين وهما مالهومش حد غيري، ونفسي حد ينقذني منه ويطلعني من القضايا اللي عليا.