سامح حسين يوجه رسالة للجمهور: شكرًا على دعواتكم ودعمك يا اجدع ناس

أعرب الفنان سامح حسين عن سعادته الكبيرة بحالة الحب والتقدير التي رأها، من الجمهورالمصري والوطن العربي، بعد تصريحاته الأخيرة عن معاناته في بداية مشواره الفني.

كتب سامح حسين منشورًا، عبر حسابه الشخصي علىموقع التواصل الاجتماعي "فيسبوك": الحمد لله، كم الحب اللي شعرت بيه الكام يوم اللي فاتوا، مش قادر أوصفه بالكلمات، حقيقي فضل كبير من عند ربنا، شكرا ليكم جميعا لدعواتكم الطيبة ودعمكم يا أجدع ناس، ويارب أكون دائما عند حسن ظنكم".

تصريحات سامح حسين التلفزيونية

روى الفنان سامح حسين، تفاصيل عن حياته، قائلا: " أمي كانت بتقول لقرايبي أنها مربية فراخ في المنور وعاوزه بواقي الأكل ليهم، وكانوا بيدوها بواقي الأكل وكنت أنا وإخواتي الفراخ اللي بناكل البواقي، وأنا بحترم جدًا كل اللي بيشتغل ويصرف على أهله".

واستكمل: "والدي ووالدتي كانوا منفصلين وكافحت مع والدتي علشان نربي إخواتي، وعشنا فترة صعبة.. كنت واخد على خاطري من والدي عشان سابنا أنا وأمي وإخواتي في الظروف الصعبة دي".

وتابع: "أصعب أيام حياتي كانت وقت وفاة والدتي، ومن بعدها وفاة أخويا الصغير غريق في الإسكندرية، ويعتبر أنا اللي ربيت إخواتي وبعتبرهم أولادي.. والدي حاول يعتذر قبل وفاته لكن كان خلاص".