سامح حسين: أمي كانت بتطلب بواقي الأكل من قرايبنا وكنا بنأكله أنا وإخواتي 

روى الفنان سامح حسين، تفاصيل عن حياته، مؤكدًا أنه عمل في أكثر من مجال في بداية حياته لمساعدة والدته.

وأضاف خلال استضافته في برنامج «واحد من الناس»، المذاع عبر فضائية «الحياة»، مساء الأحد: «أمي كانت بتقول لقرايبي أنها مربية فراخ في المنور وعاوزه بواقي الأكل ليهم، وكانوا بيدوها بواقي الأكل وكنت أنا وإخواتي الفراخ اللي بناكل البواقي، وأنا بحترم جدًا كل اللي بيشتغل ويصرف على أهله».

واستكمل: «والدي ووالدتي كانوا منفصلين وكافحت مع والدتي علشان نربي إخواتي، وعشنا فترة صعبة.. كنت واخد على خاطري من والدي عشان سابنا أنا وأمي وإخواتي في الظروف الصعبة دي».

وتابع: «أصعب أيام حياتي كانت وقت وفاة والدتي، ومن بعدها وفاة أخويا الصغير غريق في الإسكندرية، ويعتبر أنا اللي ربيت إخواتي وبعتبرهم أولادي.. والدي حاول يعتذر قبل وفاته لكن كان خلاص».