ياسمين عز تحذر الحوامل من «طريقة عمل التوأم»

وجهت الإعلامية ياسمين عز عدة نصائح إلى السيدات الحوامل في التعامل مع أزواجهن، وأخرى بشكل عام.

وقالت ياسمين عز في تعليق عبر برنامجها «كلام الناس»، والذي يعرض عبر قناة «إم بي سي مصر»، اليوم الجمعة: «إياكي ثم إياكي وانتي حامل في أول 3 شهور، اسمعك تقولي لجوزك مش طايقة أشم ريحتك، مش طايقة تشمي نعمة ربنا!».

عايزاكي تقولي لجوزك الفرعون الصغير: مرتحش ولا يهدالي بال غير لما أشم ريحة نفسك

وأضافت: «عايزاكي تقولي لجوزك الفرعون الصغير: مرتحش ولا يهدالي بال غير لما أشم ريحة نفسك، غير لما أشم ريحتك في البيت يا حبيبي، بلاش اكتئاب أول شهور الحمل والخزعبلات دي».

وتابع: «الحموضة سببها الحلاوة بالقشطة والكبدة مش شعر البيبي، وإيه اللي تاكلي سمنة كتير في آخر 3 شهور الحمل عشان تسهل الولادة والبيبي يتزحلق، هو إحنا في ملاهي؟! ارحمي جيب جوزك، السمنة غليت».

وأكملت «عز»: «بلاش اختراع وصفات الطب الشعبي بتاعة طريقة عمل التوأم، الوصفات دي مش هتجيبلك توأم دي هتخلي بيتك ريحته حلبة، وبلاش الخزعبلات بتاعة البيبي بيتكلم، مفيش حاجة اسمها كده».