ليلى علوي: الحب بيدي طاقة إيجابية لكن معظم الناس دلوقتي بقت سينجل

وجهت الفنانة ليلى علوي رسالة لجمهورها في عيد الحب، وذلك خلال مداخلة هاتفية لها ببرنامج “الستات”، التي تقدمه كلًا من الإعلامية “سهير جودة، ومفيدة شيحة”.

وقالت ليلى علوي: أنا عارفة إن معظم الناس دلوقتي بقت سينجل، لكن الحب بيدي طاقة إيجابية، مش لازم يكون بين الرجل والمرأة فقط، وأحلى حاجة إن الإنسان يعمل الحاجة بحب.

وأضافت: مش شرط اللي بنحبهم دول همَّ بس الحبيب والحبيبة، ممكن يكون الأب، الأم، الأخت، الصديق، الجار، المهم إننا نستمتع بمُمارسة فعل الحب.

ليلى علوي تحتفل بعيد ميلادها

في وقت سابقب كانت قد كشفت النجمةليلى علويالطريقة التي احتفلت بها بعيد ميلادها اليوم، وأمنيتها في عامها الجديد.

وقالت ليلى علوي في مداخلة مع الإعلامية إنجي أنور ببرنامج "مصر جديدة" عبر قناة ETC: "في عيد ميلادي دايما بفتكر ذكرياتي مع أمي، وحكاياتها الله يرحمها عن ولادتي، ودلوقتي أخذت الراية وبحكي لولادي وصحابي عن اللي حصل معايا زمان".

وأضافت: "بتبقى ذكريات حلوة، وبفتح ألبوم صور العيلة والطفولة، وأنا أعتبر نفسي ما زلت طفلة".

وردا على سؤال عن أمنيتها في العام الجديد، قالت: "بحلم أعمل فيلم ميوزيكال يبقى طفرة في النوعية دي من السينما، وأقدم أدوار مختلفة تليق لي والناس لا تتوقعها مني".

وتابعت: "أتمنى كل حاجة حلوة لكل الناس، وإن حبايبي وابني وأهلي يكونوا دايما حواليا ومطمنة عليهم".