بيتعالج فيها ابن الغفير والوزير.. ليلى علوي تطلب انقاذ مستشفى 57357 من الإفلاس
حرصت الفنانة ليلى علوي، على مساندة مستشفى 57357، وذلك من خلال فيديو لها عبر حسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.
وقالت ليلى علوي: في موضوع مهم هقولكم عليه، من زمان اشتركت في حملة أنا وزمايلي الفنانين والإعلاميين ورجال المجتمع، في حملة 57357 اللي بتعالج الأطفال المصابة بالسرطان، الحقيقي المستشفى دي عملت انجاز كبير، وفرقت جامد جدًا في كل أطفالنا اللي تعبانين.
وأضافت: وطبعًا بالتالي آثرت على كل الأمهات والأبهات، 57357 أنجزت ثقة وحب وعطاء، لـ أطفال كتير جدًا، لدرجة إن الناس قالت إن كل التبرعات بتروح ليها، وإشاعات كتير طلعت بعدها عليها،.
وتابعت: لكن اللي عارفاه إن المستشفى بتعالج صح وكويس ونسبة الشفاء عليا، ونظام ونظافة با جماعة المستشفى هتقفل عندنا مستشفى 57357، ارجوكم نساعدها كل أولادنا بتتعالج فيها من الغفير للوزير كلنا محتاجينها حرام إنها تقفل خسارة لينا اتبرع باللي تقدر عليه.
عمرو يوسف يدعم مستشفى 57357
من جانبه كان قد دعم عمرو يوسف ايضًا المستشفىفي فيديو له عبر حسابه الشخصي بموقع التواصل الاجتماعي “انستجرام”: “محدش طلب مني اعمل الفيديو ده بس صرح عظيم زي مستشفى 57357 بيقفل، المستشفى دي قائمة بشكل كبير على تبراعتنا، وفي فرع طنطا سمعت إنه قفل، الحقيقي بقالي فترة بسمع إن المستشفى حالتها صعبة جدًا عشان التبرعات قلت، لغاية الموضوع ما زاد فحبيت اتأكد بنفسي”.
وأضاف:”في أزمة اقتصادية وكلنا كنا بنتبرع بس دلوقتي مش قادرين نتبرع مفيش مشكلة نتبرع لو كنت بـ 1000، خليهم 500، مش قادر خليهم 100، حقيقي الجنية بيفرق معاهم اللي تقدر عليه اعمله، أنا عندي تجارب شخصية لو عندي أي زنقة فلوس بطلع وبلاقي ربنا بيبعت على طول جربتها كتير ونجحت”.
وتابع:”وشعهم صعب جدًا دي ناس محترمة وكانت عامله مجهود كبير جدًا ياريت نساعد بسرعة احنا 100 مليون”.
جوجل نيوز
واتس اب
جوجل نيوز
