لبنى ونس تهاجم محمد رمضان بعد إصابة ابنها بحروق في تصوير إعلان جديد

شنت الفنانة لبنى ونس انتقادات لاذعة على الفنان محمد رمضان، بعد تعرض نجلها يوسف عمر للإصابةبحروق خطيرة، خلال الساعات الماضية، بعد انفجار قنبلة أثناء تصوير إعلان يشارك فيه محمد رمضان.

وكتب لبنى ونس، عبر حسابها على موقع التواصل الاجتماعي «فيسبوك»، قائلة: «إذا عملنا كل حاجة طبيعية وحقيقية كنا هَلَكنا، ولا تُلقوا بأيديكم إلى التهلُكة، يعني إذا فيه مشهد يا أستاذ محمد التمساح بياكلك نترحم عليك ويبقى آخر مشهد في حياتك».

وتابعت: «تعلمنا مهنة التمثيل على يد عظماء التمثيل، ولم يُطلق عليهم هذه الكلمة المزعومة، النجم والنجمة في مهنتنا يا أستاذ محمد رمضان، وإنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله».

وأضافت: «هل ممكن تتعرض لما حدث لابنى في التصوير معاك، مستحيل طبعًا بتعمل أكشن وبتبقى عارف قبلها كل تفاصيله مرة واتنين وعشرة، واللي عاجبك بتوافق عليه واللي مش عاجبك بتغيره على هواك، ماحدش بيفرض عليك حاجة».

اقرأ أيضًا:ظلمت نفسي والكلاب أوفى من البشر.. 10 تصريحات مثيرة لنجمة الجماهير نادية الجندي

واستكملت: «يعني القنبلة اللي زرعها عصام الوريث لابنى تحت منه ومن غير ما يقوله ولا حتى يلبسه واقى يقدر يعمل معاك كده.. ليه؟!، إنت بني آدم وابني مش بني آدم؟.. إنت أغلى الناس عند والدتك ويوسف نن عيني ومفيش أغلى من الضنا، حط ابنك مكان يوسف هاتقول برضه كله في حبكم يهون».

واختتمت ونس كلامها قائلة: «بس أرجع وأقولك ابني ربنا هايجيب له حقه من اللي اسمه عصام الوريث ده اللي ميعرفش أبجديات عمله، اللي بيستبيح حياة الشباب عشان يحقق الطبيعية المزعومة الغلط اللي حضرتك بتتكلم عنها، حق ابني إن شاء الله هايرجع له مش هاسيبه عشان يبطل سي الوريث ده أنه يستهين بحياة الناس، سؤال بقى لما نموت سيادة النجم هايندفن فين؟ الديان والعدل والحق موجود واعتمدنا عليك يارب».

وكان محمد رمضان قد نشر فيديو له عبر حسابه على موقع "إنستجرام"، لإصابته بحروق اثناء التصوير، وعلق قائلًا:" الحمد لله وقدر الله وما شاء فعل اصابتي كانت شديدة اثناء تصوير انهاردة ولكن الحمد لله الأهم ان الشغل يوصلكم حقيقي و #كله_في_حبكم_يهون ".

اقرأ أيضًا:جروح شديدة في الظهر.. إصابة محمد رمضان أثناء تصوير «موسى» (فيديو)

وأكد يوسف عمر نجل الفنانة لبنى ونس فى تصريحات صحفية أنه تقدم بشكوى إلى نقيب المهن التمثيلية الدكتور أشرف زكى، للبحث عن حقه فى اصابته بقنبلة حقيقة اثناء التصوير دون التنبيه او حمايته.