زوج علا غانم: بعد كل اللي عملته فيا مش عايز أضرها لإني لسه بحبها |خاص

أعرب عبد العزيز، زوج الفنانة علا غانم عن حزنه الشديد، بسبب ما فعلته زوجته من الاعتداء عليه هي ووالدتها، مشيرًا إلى أنه رغم ما فعلته لن يؤذيها.

وقال زوج علا غانم في بث مباشر لـ”بصراحة”: رغم اللي عملته مرضيتش أمد إيدي عليها لإني لسه بحبها ومش عايز أضرها في حاجة، لأنها مهما كان مراتي، وكنا لسه بنحتفل بجوازنا في لاس فيجاس.

وواصل: جيت من اسكندرية وكنت جاي افتح باب البيت، لقيت شاب أسمر ووشه مقطع بيفتح الباب معرفوش أول مره اشوفه، جاي يقولي أنت مين وعايز أي، قولتله البيت ده بيتي.

وأضاف: لقيت علا طالعة من ورا كده وفي إيديها زجاجه وقالتله امسكوه وطلعوه بره بيتي، وراحت حدفت الزجاجه في وشي، والولد الاسمر الضخم ده مسكني وحدفني على الباب، ووالدتها جت وجابت حديدة وضربتني على دراعي وحصلي جرح قطعي.

علا غانم تهاجم زوجها

من جانبه كانت قد صرحت الفنانة علا غانم لـ "بصراحة": "إنها قامت بالاحتفاظ على كل التسجيلات الصوتية التي كان زوجها يقوم بالتهديد والترهيب حتى تتنازل عن القضية المرفوعة ضده".

وأضافت الفنانة: " عمال يهددني ببناتي بأسرتي، وأنا خايفه أن حد يعرف مكاني الحالي علشان ميجيش يتهجم عليا، لانه قالي أنا سوف يشهوه وجهي قدام الناس".

مسلسل توحه

ومن المقرر إن الفنانة علا غانم تعود للدراما بعد غياب طويل عن الشاشة السينمائية، والتي تشارك في مجموعة من الفنانين من ضمنهم: "دينا فؤاد، إيهاب فهمي، حجاج عبدالعظيم، إنتصار، دنيا المصري" والمسلسل من إخراج محمد النقلي وتأليف أحمد صبحي.