أم المتهم بقتل سيدة بورسعيد: ابني مظلوم وضحية لنورهان.. وكان بيشتكي من دماغه وله 3 أخوات عندهم إعاقة ذهنية

ينفرد موقع بصراحة الإخباري، بتسجيل صوتي لوالدة قاتل داليا الحوشي في القضية المعروفة إعلاميًا بسيدة بورسعيد، المقتولة على يد ابنتها وعشيقها.

وأكدت والدة القائل أنها كفيفة، وابنها القاتل كان يشتكي كثيرًا من رأسه وكان يرفض الذهاب إلى المستشفى كي يتلقى العلاج ولديه 3 فتيات أخرى من ذوى الإعاقة العقلية.

تصريحات أم القاتل:

وأضافت: «حسين كان أطيب واحد في الدنيا، وكان حنين عليا، ولقيتهم في مرة قاعدين على السلم، وأنا ست بشوف بعين واحدة ومكنش بيستحمل أي صوت جنبه وكان يقعد يقول رأس بتوجعني».

واستكملت: «شوفت البنت وهى قاعدة على السلم ومعاها برشام أبيض، فبقولها هاتي منه، قالت لي دا مينفعكيش يا طنط، وكان معاها مشروب لونه أحمر ورفضت تديني منه اسمه «ستينج، وأخوها أحمد كان عارف أنها بتروح لحسين وعلى علاقة ببعض».

قاتل سيدة بورسعيد:

وتابعت: «ابني سنه14 عامًا.. ربنا ينتقم من نورهان، هي اللي كانت جيباله الترينج اللي ظهر فيه في محكماته، كان بـ600 جنيه قبل الحادثة بأيام قليلة».

وأوضحت: «سمعتها بودني أنها كانت بتنوي تقتل خطيبها كويس أن الجريمة انتهت لحد كدا، وابني ضحية ليها، وكنت بنزل أدور على شغل في الشوارع وبسيبهم قاعدين على السلم».

واستكملت: «كانت بتيجي لينا كل يوم من الساعة 8 الصبح وترجع لأمها 12 بليل..كانت بتتحجج عشان تفضل قاعدة مع حسين وتقفل الباب علينا من جوا بالمفتاح ..كل أخواتها وأمها كانوا عارفين بالحكاية وأنهم على علاقة ببعض، عشان كانت بتقعد على طول عندنا ..كانت بتيجي تدي بنتي دروس.. يوم الجريمة كان قاعد جنبي والجيران كلها شاهدة أنه كان قاعد جنبي ومحدش رضي يشهد معاه».

وتابعت: «اتصلت بحسين يوم الجريمة وقالت له ألحقي دا في حد كلمني بيقول ماما في المستشفى..اعترفت لبنتي أنها هتقتل أمها وعريسها وواحد اسمه أشرف وكانت هتأخد حسين وتهرب في أي حتة”.

وقالي أنا مقدرش استغنى عنها.. والمحامي أخد مني 20 ألف جنيه،كانت بتنده على أبني وتبعت له أخوها ويرجع مستحمي ولما نسأله يقول أنه كان بيصلي الفجر وكان بيرجع الساعة 6 الصبح واكتشفت أنه كان بيرجع الساعة 6 الصبح وبدأت أبلغ الحكومة».

وأضافت: «اتفاجأت يوم الحادث أن البت معاها مفتاح شقتي..في يوم لقيتها أن في ناس في الشارع عايزين يقتلوا حسين وجيت انبهكم دا قبل خطوبتها ..كان حسين لما بيعور أو يروح المستشفى بتجري ورانا في المستشفيات وأنا معرفهاش ..ابني معروف عنه أنه كان بيتحامى للبنات اللي بتتعاكس أو بيتعمل معاها حاجة في الشارع مستحيل يقتل».

الحكم علىالمتهم بقتل سيدة بورسعيد

كانت رفضت محكمة أحداث بورسعيد،حكم النقض المقدم محامي المتهم بقتل سيدة بورسعيد وتم تأييد حكم إيداعه فى إحدي دور الرعاية.

الطعن على قرار المحكمة

وكان قد تقدم المحامي بطعن على قرار المحكمة بإيداع الطفل المتهم بمؤسسة دار الأحداث، وذلك بعد اعترافه بقتل المجني عليها "مشرفة بورسعيد"، بعد أن خطط لقتلها بالتعاون مع ابنتها "نورهان خليل" الطالبة بالفرقة الثالثة بكلية الآداب في جامعة بورسعيد.

وفى وقت سابق أوراق الفتاة لمفتي الجمهورية للنظر في الحكم بإعدامها، وحددت جِلسة يوم 18 فبراير 2023 للنطق بالحكم.

وتعود بداية القضية إلي يوم 14 ديسمبر 2022 عندما ورد بلاغ لمباحث بورسعيد بوجود جثة سيدة، وبالفحص الأمني تبين أن وراء ارتكاب الجريمة كل من ابنتها طالبة بالفرقة الثالثة بكلية الآداب بجامعة بورسعيد، و"ح. م. ف"، 14 سنة، وبضبطهما أقرا بارتكاب الواقعة ومثلا الجريمة أمام النيابة العامة.