هاني رمزي: مفيش فنان موجود يحل مكان حسن حسني.. ومقارنته ببيومي فؤاد ظالمة 

قال الفنان هاني رمزي، إن رحيل الفنان الكبير حسن حسني لن يعوضه أحدًا، مؤكدًا أن المقارنة بينه وبين بيومي فؤاد ظالمة.

وأضاف خلال تصريحات تليفزيونية: «ولا فنان موجود يحل مكان حسن حسني، وفيه ناس كده مش هعرف استوعب بديل لها ومكانه سايب فراغ كبير جدا، وكان بيفنن في أي مكان ويسد في كل حتة».

وتابع: «بيومي فؤاد مش بديل لحسن حسني ولكن هو له شخصيته وطباعه وأسلوبه في الكوميديا، وظلم لبيومي يروح لمنطقة حسن حسني، وكويس إنه محافظ على نفسه في منطقة وحتة معينة».

تصريحات هاني رمزي:

واستكمل: «أنا قلبي ضعيف وكنت بقلق على اصدقائي خلال برنامج المقالب بتاعي، وفي حاجات متتقلش على الكاميرا، وفي ناس رفضت تعرض الحلقة زي وليد توفيق وديانا حداد رفضوا، وأنا مبحبش أزود على الضيف ولا اتجاوز معاه».