خالد الجندي: أعداء البلد بيفرحوا بأي مشكلة تواجهنا حتى لو فريق الكرة خسر

قال الشيخ خالد الجندي، عضو المجلس الأعلى للشؤون الإسلامية، إن من أشهر مقولات محمد متولى الشعراوى «إن لم تستطع قول الحق فلا تصفق للباطل»، متابعا: «الكلمة دي إحنا محتاجينها كلنا دلوقتي عشان الناس اللي بتحارب بلدها وجيشها ورئيسها عشان مش راضي أو مش مبسوط أو مش فاهم، خليك في حالك، ولكن هو بمجرد ما تصيبك أي سيئة تصفق لأعداء البلد».

واستكمل «الجندي»، خلال حلقة برنامجه «لعلهم يفقهون»، المذاع على قناة «dmc»، اليوم الثلاثاء: «أعداء البلد بيفرحوا أوي بأي مشكلة تواجه مصر حتى لو حادث أو فريق بلدنا في كرة القدم خسر أو مشكلة في سلعة».

وأضاف الجندى: «أعداء البلد قاصدينك إنت وبيصفقوا للباطل وبيحاولوا يخوفوا الناس ويديهم رسالة سلبية، دول من حزب الشيطان اللي بيحاول يهدم بلده بإشاعة المخاوف».