عمرو أديب بعد هزيمة الزمالك من الأهلي: الأحمر مش هيفضل كده ولا كهربا هيكمل مع الأهلي وهينقطع عنه الفولت ولا شريف الحريف هيبقى مخيف

علق الإعلامي عمرو أديب على خسارة الزمالك مباراة القمة أمام الأهلي في الدوري الممتاز، بثلاثية دون رد، يوم السبت الماضي.

وقال «أديب» في تعليق خلال برنامجه «الحكاية»، والذي يعرض عبر قناة «إم بي سي مصر»، اليوم الإثنين، إن تعرض للكثير من «التحفيل» من جماهير النادي الأهلي عقب هزيمة فريقه «الزمالك» بمباراة القمة.

وأضاف: «المباراة حصلت فيها حاجات غير ممكنة، حمدي فتحي يوقف الكرة بالشكل ده ويلعبها بالرأس لـ كهربا، مش معقول واحد بقاله 400 يوم وينزل يلعب كده، شريف الحريف اللي انقطع تمامًا عن الحرفنة يجيب جونين من أعظم الأجوان اللي في تاريخ الكورة، وكمان الزمالك يلعب بالشكل ده».

وتابع «أديب»: «لا الأهلي هيفضل كده، ولا كهربا هيفضل يلعب في الأهلي، كهربا مش هيكمل، يوم 2 فبراير ينقطع الفولت عنه، ولا شريف الحريف هيكمل كده».

وأكمل: «البيت الأبيض محتاج يتوضب، والدوري مرحش لسه، سنظل قادرون، نقدر ناخد الدوري، الأهلي مش عقدة، شوية معنويات وشوية إحساس، وراد جدًا إننا نحقق السنادي الثلاثة، بعون الله ناخد الدوري، اوعوا يبقى عندكم أي إحباط وتصدقوا الحملات المضللة اللي عايزة تخلص عليكم».