بعد تصريحات ياسمين عز.. مفيدة شيحة: متجوزة محامي متجوزة باشمهندس أنا ست ولازم يحترمني

خرجت الإعلامية مفيدة شيحة عن صمتها لتحسم الجدل حول علاقة الرجل بالمرأة خاصة بعد تصريحات الإعلامية ياسمين عز المختلفة تماما عن المعتاد.

مفيدة شيحة: أنا ست الزوج لازم يحترمني زي ما بحترمه.

كتبت مفيدة شيحة عبر حسابها الرسمي بموقع التواصل الإجتماعي “فيسبوك”: متجوزة محامي، متجوزة باشمهندس، متجوزة موظف بنك .. أنا ست ولازم يحترمني زي ما بحترمه.. خلص الكلام.

تصريحات ياسمين عز عن المحاميين وموظفي البنوك

وكانت ياسمين عز مؤخرا، قد خصصت فقرة في برنامج “كلام الناس” للحديث عن موظفي البنوك والمحامين، اذ وصفت موظفي البنوك، قائلة: اللي متجوزة موظف بنك دايما بتتحسد عليه بيكونوا على الفرازة كل يوم وهو نازل شغله هتحسي انك متجوزة موديل بيشف ويرف وريحة البرفان بتاعته جايبة أخر الشارع، وليكي حق تغيري عليه من أناقته ولابقته، وضوافره معمولة بادكير رباني.

بينما قالت عن المحاميين: متجوزة راجل فريد هيبة ومالي مركزه غير غنه ذوقه عالي في اختيار بدلته يبقى هيكون ذوقه عالي في اختيار زوجته، مش بينسى أي حاجة وذاكرته قوية ولو طلبتي منه طلب مش بينساه وباله مش هيرتاح إلا أما يعمله، راجل معتمد عليه ومتحمل المسؤولية ومحدش يقدر يضحك عليكي في وجوده ولو وقعتي في أي مشكلة هيخرجك منها زي الشعرة من العجينة ومحدش يقدر يظلمك ولا يجي عليكي، الزوج أما يكون محامي بيكون مكس مختلف قوي بس حنين، مغامر وجريء بس بيخاف ربنا وعادل بيعرف يوفق بين بيته وشغله.