ياسمين عز توجه نصيحة للمتزوجات: أوعي تنادي على جوزك بدون ألقاب

قالت الإعلامية ياسمين عز عبر برنامجها كلام الناس المذاع عبر فضائية mbc موجهة كلامها للزوجات: أوعي تنادي جوزك بدون ألقاب، وذلك ضمن عدة نصائح قدمتها للزوجات مشيرة إلى أنها ستقدم الحلقة خصيصًا لتفخيم الزوج وإعلاء شأنه.

وأضافت عز: قوليله يا أستاذ محمد تحب تشرب إيه، مفيش حاجة اسمها يا محما، مخاطبة الزوجات: أوعي ما تكمليش آخر حرف من اسم الراجل زي ما أنتِ ما تقبليش ياكل آخر حرف في اسمك.

نصائح ياسمين عز

وتابعت: هل تقبلي يكون اسمك سماح وينادي عليكي بسمااا، قولي له أستاذ للتفخيم ومحمد للتنعيم الشتوي، وبنقول يا مش أيها، لأن يا للقريب الحبيب.

وتابعت عز: مفيش حاجة اسمها جوزك أستاذ محمد بينزل السبت من البلكونة، لازم نحافظ على تفخيمه، أنا بعتذر لك الغي السبت أرجوكي ما ينفعش يقف في البلكون ينزل السبت أنتي كده هتهزي كيانه.

ونصحت عز زوجات المهندسين: لو جوزك مهندس لازم تحسسيه بالدفا والحنان لأن حياته كلها مربعات ودواير ومستطيلات، ومحتاج يرتاح، وبروزي اسمه بين قوسين مفخمين ومزركشين ومزينين.

وتابعت: قوليله الباشمهندس وفخمي فيه قدام صحابك، قولي لصاحبتك أن فتح ليكي البلكونة اللي في التجمع على النيل وبقيت اشوف النيل من بلكونتي لأنه راجل خارق يقدر يعمل أي حاجة.