ياسمين عز توجه رسالة للفتيات: نشفي أرضية الحمام عشان أخوكي "الفرعون الصغير" ميقعش

وجهت الإعلامية ياسمين عز حديثها للفتيات، قائلة: «اسمعوا كلام ماما، واعملوا اللي هي بتطلبه منكم، ازعلي مني دلوقتي بدل ما تزعلي من حماتك بعدين».

واسترسلت «ياسمين عز»، خلال تقديمها برنامج «كلام الناس» المذاع على شاشة «إم بي سي مصر»، الأحد: «اسمعي كلام ماما، واغسلي المواعين قبل ما تنامي، متقوليش ليها حاضر وتقعدي تتفرجي على التلفزيون».

نصائح ياسمين عز للفتيات

وأكملت: «مينفعش ترمي هدومك على السرير، وتبقى هدومك في كل حتة، وناسية شراباتك في بطن الجزمة.. المفروض تغسلي وتكوي هدومك لوحدك».

وأضافت: «إوعي ترمي الفوطة مبلولة على السرير وتعمل ريحة مكمكمة».