بسمة وهبة لـ "حسام حبيب": "إنت بتدمر شيرين.. وبقت في القاع"

انتقدت الإعلامية بسمة وهبة، الفنانة شيرين عبدالوهاب بسبب زيارتها للمطرب اللبناني فضل شاكر، قائلة: "أنت تدمر شيرين يا حسام، اتقبض عليها بعدما زارت فضل شاكر، وتم استجوابها وزوجها، أنا زعلانة على شيرين، أنا فاقدة أعصابي لإني بحبك".

ليه بتدمري نفسك يا شيرين ونازلة منحنى للقاع

وأضافت وهبة، خلال تقديمها برنامج "90 دقيقة"، على قناة "المحور": "ليه بتدمري نفسك يا شيرين ونازلة منحنى للقاع، رغم إنك كنتِ فوق ونجمة الوطن العربي، أنا بحمل حسام حبيب مسؤولية ما حدث، لأنك مسيطر عليها، وإنت الوحيد اللي جنبها وماسك تليفونها وإنت الوحيد اللي عايش معاها وبتسمح لها تقابل مين ومش تقابل مين".

هاتيلك مدير أعمال يا شيرين

وتابعت الإعلامية: "في ناس كتير بتحب شيرين، هاتيلك مدير أعمال واحد يخطط لك، أنتِ أيقونة ليه بتدمري نفسك، بقيتي تنزلي وبقيتي في القاع، رغم إنك مش كده يا شيرين، عرضتِ نفسك لمسائلة قانونية وممكن تتحبسي، أنتِ فنانة كبيرة، وتقدري تجيبي 10 مدراء أعمال، الفن ضد الإرهاب، فتروحي تقعدي مع إرهابي".