نادية الجندي: بقضي رأس السنة بالروحانيات والدعاء.. وأعمالي كلها هادفة وذات قيمة

تحدثت نادية الجندي عن طقوسها في رأس السنة من كل عام، مشيرة إلى أنها لا تحب الخروجات، بينما تفضل قضاءه في المنزل مع نجلها هشام.

طقوس نادية الجندي فيرأس السنة

قالت نادية الجندي في مداخلة هاتفية لـ برنامج الستات المذاع على قناة النهار وتقدمه الإعلامية سهير جودة: بحب أقضي رأس السنة في البيت وليا طقوس معينة بعملها كل سنة، بحب أقعد مع ابني في البيت وشوية طقوس بعملها برتاح نفسيا وأنا بعملها ببدأ السنة الجديدة بالروحنيات والدعاء وبحس براحة نفسية مبحبش الزحمة والخروج، وعلمت هشام ابني انه يعمل بردو كدة .

أعمالى كلها هادفة

وتطرقت نادية الجندي بحديثها عن قلة أعمالها الفنية في تلك الفترة، فقالت: أنا مقلة في أعمالي عشان مش بعمل أي حاجة، أنا عودت الناس إني مش بقدم غير الأعمال الهادفة اللي فيها قيمة انسانية واجتماعية، الأعمال دي مش بتتوجد بسهولة، أنا بيتعرض عليا أعمال كتير أوي سينما وتليفزيون، ووحشني جدا في السينما، بس مينفعش أقدم للناس أقل، فيه ثقة بيني وبين الجمهور مقدرش أخجل جمهوري.