ابن حلال وحنون.. نادية الجندي تكشف مواصفات فتي احلامها

قالت الفنانة القديرة نادية الجندي:"السينما في دمي وكل حاجة في حياتي، وأنا لو موقفتش قدام كاميرا أحس إني هاموت وحياتي انتهت، من وانا طفلة عمري 5 سنين وانا بمثل في المدرسة والحكاية بقت جوايا".

مقدرش أعيش من غير الكاميرا

وتابعت الفنانة نادية الجندي،خلال تصريحات تليفزيونية: "أنا مقدرش أعيش من غير الوقوف قدام كاميرا السينما، ولكن لازم أشارك في عمل أكون مقتنعة به وسعيدة بادائه ودور مختلف ويحمل تحدي وأمر مميز". ولفتت: "اللى بيتعرض عليا دلوقتي من أعمال فنية حاجات مكررة وسطحية أوى ملهاش معنى، ولو جالي دور سينمائي كويس هوافق معنديش مانع لو جالي دور حلو وشخص حلو يحب يرتبط بيا".

مواصفات فتي أحلام نادية الجندي

وعن مواصفات الرجل الذي تتمنى خوض تجربة الزواج معه مجددًا، قالت نادية الجندي:"عايزاه يكون ابن حلال بس ومش طالبة اكتر من كده، ابن حلال يعني احس بسند ورجل يقدر قيمتي وحنون واحس جنبه بالأمان وده اهم احساس في العالم".