ألفت المنزلاوي لوزير التموين:« ارتفاع الأسعار خلى الناس تكلم نفسها»

وجهت النائبة ألفت المزلاوي عضو مجلس النواب، انتقادات حادة لوزير التموين الدكتور علي المصيلحي، بشأن أداء الوزارة خلال الأزمات الراهنة، قائلة: "حضرتك مش بتقابل النواب ومفيش غير انك بتصدرنا مشاكل، انا كل مشكلاتي مع التربية والتعليم والصحة والتموين".

ألفت المنزلاوي لوزير التموين:« ارتفاع الأسعار خلى الناس تكلم نفسها»

جاء ذلك خلال الجلسة العامة لمجلس النواب، برئاسة المستشار الدكتور حنفي جبالي، لمواجهة وزير التموين بعدد من طلبات الإحاطة والأسئلة البرلمانية.

وأضافت النائبة ألفت المزلاوي: " أنا بقول من مجلس النواب أني من سنتين ونص و أنا مش عارفه أقابل وزير التموين، حضرتك دايما مش موجود وبتعتذر عن لقاء النواب".

وتابعت عضو مجلس النواب:" بالنسبة للأسعار.. الناس بقت بتكلم نفسها وكل ساعة نلاقي الأسعار مختلفة ومتغيرة، حضرتك تطلع تصرح وتقول أن فيه رز لكن الحقيقة مفيش رز في الأسواق والسعر وصل لـ 23 جنيه وحضرتك بتقول 11 و 12 جنيه، أسعار الشعب المصري مسمعش عنها".

واستكملت النائبة ألفت المزلاوي: أنا معنديش غير تصدير المشاكل من وزارة التموين، كل شوية عندي مخبز يتقفل من غير و لا حاجة، معقبة:" دلوقتي علشان أسرة مكونة من 5 أفرد محتاجه 70 جنيه علشان تاكل عيش حاف بس، متسائلة: هل دا يرضي ربنا؟، احنا داخلين الجمهورية الجديدة والرئيس يقول سهلوا على الناس والمستثمرين، وحضرتك عندك مشكلة في الوزارة ومينفعش تكمل معانا.