محمد حماقي: عمرو مصطفى متعب ومجنون بزيادة ومش سلس

كشف الفنان محمد حماقي عن تعاونه مع الملحن عمرو مصطفى في أغنيته «أحلى حاجة فيكي»، مشيرا إلى أن عمرو مصطفى «متعب ومش سهل».

محمد حماقي معصاحبة السعادة

وأضاف محمد حماقي خلال لقائه مع الفنانة إسعاد يونس ببرنامجها «صاحبة السعادة»: «أغنية أحلى حاجة فيكي من تلحين عمرو مصطفى، واللي يعرف عمرو يعرف إنه متعب ومش سلس وسهل، هو مجنون جنان الفنانين ولكن بزيادة، ولكننا أصحاب من زمان». وواصل حماقي: «الأغنية ليها قصة وروحت خدت عمرو من البيت بالبيجاما قولتله هوريك حاجة في العربية، وأخدته من مدينة نصر على المهندسين عشان نشتغلها، وهي أغنية غريبة واتعملت بالمقلوب وبدأنا بالتوزيع، روحنا عند تميم وعمل كام جملة وحسيت إن معانا حاجة حلوة، وبعدين روحته وتاني يوم كملنا، واختارت جملتين من جمل أيمن بهجت قمر وبعتله كمل الأغنية».