عمر كمال: أتمنى أتجوز واحدة حلوة عشان ما أبصش بره

أفصح المطرب الشعبي عمر كمال عن مواصفات الفتاة التي يتمنى الارتباط بها في عام 2023، وذلك خلال لقاءه اليوم ببرنامج "يحدث في مصر" مع الإعلامي شريف عامر.

حيث قال عمر كمال: "أتمنى أتجوز في 2023 واحدة تراعي ربنا فيا، وتحبني لشخصي ويبقى عندي استقرار في حياتي وربنا يرزقني برزقها".

وتابع: "عايز واحدة تحبني بجد ونفسي تكون ذكية وتفهم في شغلي لأني طول اليوم بقعد أفكر كتير لوحدي، فعايزها تساعدني وتشيل عني وترتبلي حياتي وتكون حلوة عشان ما أبصش برا".

عمر كمال يدعم مستشفى 57357

جدير بالذكر، أن خرج عمر كمال لـ دعم مستشفى 57357، وذلك بعد أزمتها التي تمر بها من تهديد بالغلق وعدم استقبال حالات جديدة بسبب نقص التبرعات القائمة عليها، وقال عمر كمال في فيديو نشره عبر موقع انستجرام: أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لقدر الله تتقفل أو تفلس وميكنش عندها قدرة انها تعالج الناس".

وتابع: “أنا عارف إن الدنيا مزنقة علينا كلنا وممكن يكون معاك فلوس وبردو الدنيا تزنق عليا، أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي”.