عروسة الشبكة الفضة: أنا بشتري راجل.. وتدعو البنات لتقليدها (فيديو)

استضاف الإعلامي شريف عامر، اليوم الأربعاء، كريم وغادة أول عريس وعروسة بالشبكة الفضة في محافظة الغربية.

وقال "كريم" في حواره ببرنامج "يحدث في مصر" المذاع على فضائية "إم بي سي مصر" مساء اليوم الأربعاء: "الذهب في حتة تانية وكنت على الفيس ولقيت صفحة عاملة عرض شبكة من الفضة بدلا من الذهب بـ1800 جنيه"، مضيفًا: "الفكرة عجبتني وعرضت الفكرة على غادة ولم تعترض وبعدها عرضت الفكرة على والدة غادة وأهلها، وقعدت مع مامتها كانوا متشددين شوية وقعدت معاهم مرة وإدوني أسبوع ويردوا عليا".

وذكر "قبل ما أتقدم لأهل غادة قررت أصارحهم أني مش معايا فلوس وهو فيه صلة قرابة بنا وربنا وفق بحاجة صغيرة ولقيت بعدها مصر كلها بتباركلي وده توفيق من ربنا".

من جهتها صرحت غادة جمال العروسة: "أنا بشتري راجل بسند عليه والحياة بقت صعبة والسترة بالدنيا كلها وربنا يجعله زوج صالح وهو بيصلي وهيتقي ربنا فيا"، متابعة: "أنا بشجع أي بنت تعمل كده تتستر وتستند على راجل بجد وأنا وافقت بكريم علشان هو متدين ويعرف ربنا".