وفاء مكي تهاجم نقابة المهن التمثيلية: أنتوا دوركم فين شغلوني.. بتعطوا عيال بطولات وأنا قاعدة |خاص

هاجمت الفنانة وفاء مكي نقابة المهن التمثيلية بسبب عدم مشاركتها في أعمال فنية، والإعتماد على الأوجة الجديدة في الوسط الفني وترك نجوم الثمانينات.

المفروض يكون ليهم دور فعال

وقالت وفاء مكي خلال لقائها مع موقع “بصراحة”: النقابة يا جماعة المفروض يكون ليهم دور فعال، أنا عايزة أعرف العيال اللي شغالة اليومين دول شغالين ازاي، أنا عايزة أعرف العيب فين.

وأضافت: إحنا حوالي 3000 عضو لو كل واحد خد دور في فيلم هيعرف يعيش، أما دلوقتي كلها شغالة بالعلاقات، وأنا لا أجيد فن الشلالية والعلاقات للأسف، وأنا معرفش حد من المخرجين أروح اقوله شغلني وبعدين هما عارفين مشاكلي.

وفاء مكي تكشف معانتها في الفترة الحالية

وعن معيشتها في الفترة الحالية، قالت:أنا بلاوية كتيرة وابني 12 سنة بيتعلم ووالدتي تعبانة ومفيش حد من الفنانين بيكلمني ولا حتى النقيب أشرف زكي، مفيش حد بيرد عليا منهم، أنا مديونة للكل عليا فلوس فوق الـ 500 ألف جنية، ساعدوني عايزة أرجع أشتغل شغلانتي اللي مش بعرف أعمل حاجة غيرها”.

وواصلت:” لو هما كلموني هيقولولي على دور صغير وهيرجعوا يقولوا هي رفضت ، ما أنا رفضت عشان الدور مش كويس، أنا هحكم الناس أنتوا ترضهالي أمثل دور صغير؟ بعد تاريخي الفني الكبير؟”.

آخر أعمال وفاء مكي

يذكر أن آخر أعمال وفاء مكي بعد خروجها من السجن، مسلسل الكابوس، الذي عرض عام 2015بطولة غادة عبد الرازق، كريم محمود عبد العزيز، أحمد راتب، بيومي فؤاد، ومن تأليف هالة الزغندي، وإخراج إسلام خير.