وفاء مكي لموقع بصراحة: عايشة على المساعدات والحبس مالوش علاقة بوقف حالي

ردت الفنانة وفاء مكي على الانتقادات التي توجهت لها في الفترة الأخيرة، واتهام العديد لها أن أزمة حبسها هي السبب في عدم مشاركتها في أعمال فنية.

أزمة الحبس ليست السبب

وقالت وفاء مكي خلال لقائها مع موقع “بصراحة”:أزمة حبسي مش السبب في إني مش شغاله، لا أنا خرجت واشتغلت بعدها وعملت كذا عمل وكنت بطلة، بس فجأة لقيت محدش بيبعتلي على شغل، أنا لا عمري أساءت لفنان ولا أذيت حد، أنا كنت زمان بروح أساعد الفنانين اللي محتاجين دلوقتي محدش بيسأل عني خالص أنا وحيدة في الحياة ابني وأمي بس اللي معايا.

عايزة أرجع شغلي

وأضافت: لو اتعرض عليا دور صغير هاجي كده وأعرضه للناس وأقول بعد النداءات والإستغاثات أدوني الدور ده، أنا عايزة أرجع شغلي تاني لإن الدور مش هيحللي مشكلتي أنا عليا ديون كتير، ابني بيتعلم ومش عايزة أمي تتبهدل في آخر أيامها، أتمنى في 2023 ربنا يسترها عليا ويكون في تحسن، أنا معاش جوزي كان 3000 جنيه، وواخده قروض كتيرة، عايشة دلوقتي من خلال إن أي حد من أهلي يساعدني.

مديونة وعليا فلوس

وعن معيشتها في الفترة الحالية، قالت:أنا بلاوية كتيرة وابني 12 سنة بيتعلم ووالدتي تعبانة ومفيش حد من الفنانين بيكلمني ولا حتى النقيب أشرف زكي، مفيش حد بيرد عليا منهم، أنا مديونة للكل عليا فلوس فوق الـ 500 ألف جنية، ساعدوني عايزة أرجع أشتغل شغلانتي اللي مش بعرف أعمل حاجة غيرها”.

وواصلت:” لو هما كلموني هيقولولي على دور صغير وهيرجعوا يقولوا هي رفضت ، ما أنا رفضت عشان الدور مش كويس، أنا هحكم الناس أنتوا ترضهالي أمثل دور صغير؟ بعد تاريخي الفني الكبير؟”.

مسلسل الكابوس

يذكر أن آخر أعمال وفاء مكي بعد خروجها من السجن، مسلسل الكابوس، الذي عرض عام 2015بطولة غادة عبد الرازق، كريم محمود عبد العزيز، أحمد راتب، بيومي فؤاد، ومن تأليف هالة الزغندي، وإخراج إسلام خير.