سارة نخلة تثير الجدل: أنا ضد التبرع للغارمات ملعون أبو الجوازة اللي ممكن تخلي مامتي عليها خطر لو 1%

أعربت الفنانة سارة نخلة عن استيائها الشديد من التبرع للغارمات، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت نخلة: يعني ايه اروح اتجوز و انا عارفة ان مامتي ماضية على نفسها شيكات او سندات او اي حاجة ممكن توديها ف ستين داهية بس عشان انا اتجوز و اتبسط و اعيش حياتي و اتفشخر قدام عريسي و اهله ان مامتي جهزتني و جابتلي التلاجة و الغسالة و بالشئ الفلاني مع اني عارفة انها مش هاتعرف تسدد ديونها.

وأضافت: هو فين الاحساس و التربية و الاخلاق الي تخليني اسمح لنفسي ان مامتي يبقى اسمها من الغارمات و الناس تتبرعلها بفلوس عشان تخرج من السجن بسببي !!؟؟؟.

وواصلت: أنا ضد التبرع للغارمات و بكره الكلمة دي و غير مقبولة تماما و بحتقر اي وحدة تعمل كدا فمامتها عشان تتجوز .. انتي راضية ان مامتك تتسجن عشان انتي تتجوزي ؟؟؟ دا انا لو مش هاتعب بالقرش و اموت نفسي الف مرة عشان احوش يبقى انا ما استاهلش اصلا.

وأختتمت سارة نخلة قائلة: ملعون أبو دي جوازة الي ممكن تخلي مامتي عليها خطر لو ١ ٪؜، دا الناس بتتعب و تربي عشان بس يكبروا عيالهم يشيلوهم على دماغهم و يصرفوا عليهم مش عشان يتحبسوا بسببهم مش قادرة اتخيل ولا افهم الناس دي بتفكر ازاي بجد عبث.