ياسمين عز للسيدات: بلاش تقولي لجوزك سيب ليا فلوس قبل ما ينزل كده بتقفليه منك

وجهت الإعلامية ياسمين عز رسالة للزوجات، خلال تقديمها برنامجها “كلام الناس”، المُذاع عبر فضائية “MBC”، مشيرة إلى أنه لا يجب من الزوجة أن تقول لزوجها بأن يترك أموال قبل خروجه.

وقالت ياسمين عز: بلاش تقولي لجوزك جملة سيب فلوس قبل ما تنزل انتي كده بتقفليه منك.. الراجل أحسن من الفلوس والفلوس عمرها ما جابت راجل، الراجل يعمل فلوس البرنامج ده إحنا عاملينه عشان نقول الصح فيه.

وأضافت: هقولها تاني حرصي على جوزك وأعملي الصح معاه وحاوطي عليه ولو مزنوقة في كلمتين فضفضي له لأنه هيهز راسه وهينسى وبلاش تثقي في صحباتك.

وواصلت:بلاش الثقة المفرطة في صديقاتك وأنا حذرتكم وقولت لك اعملي حدود للصداقة مع الكل وحياتك مع جوزك متكونش مشاع للجميع وبقول كدا بناءعلى الدين لأن مينفعش حد يختلي بحد وأنتوا بتكئبوني لأني مش بنظر عليكي وشوفنا أنه بيحصل أهوولازم تعملي الصح مع جوزك.

وأختتمت ياسمين عز قائلة:صحبتك على عينك وراسك في كل حاجة إلا جوزك كلميها عن أي حاجة إلا هو لا تقولي جابلي ولا عاملي، الكلام ده هي ملهاش علاقة بيه خالص مينفعش حد يعرف أي اللي ما بينكم، فمتجيش بعد ما تخطف فرعونك تقولي إنها فاسدة ووحشة، أنت كنتي مصاحباها ليه مادام هي وحشة.