إيناس الدغيدي تكشف كواليس مشاجرتها مع أحمد زكي: قولتله زيك زي العامل بتاع الكاميرا

كشفت المخرجة إيناس الدغيدي، عن رأيها في الوضع الحالي للمخرج حيث أكدت أن هيبة المخرج، تغيرت عن زمان.

وأضافت في لقاءها مع الإعلامية إنجي على في برنامج أسرار النجوم على إذاعة نجوم أف أم: «البرامج التلفزيونية اللي قدمتها أدتني فرصة للتواجد على الساحة لأن فيه مخرجين كويسين، ومبيشتغلوش الفترة الأخيرة واتنسوا، ومخرجين كبار ولهم قيمة ومش عاجبهم اللي بيقدم حاليًا».

المخرج أساس الفيلم

وتابعت: «اتنقلت قيمة الفيلم من المخرج إلى النجم، زمان كان المخرج أساس الفيلم، فكانت القيمة للمخرج، زمان المخرج والسيناريست بيختاروا النجم، دلوقتي النجم بيختار المخرج اللي يقدر عليه، فبقى المخرج مش هو رقم واحد في الفيلم».

وأردفت: «أنا كنت بشتغل مع عمالقة زي صلاح أبوسيف، بركات، وحسن الأمام، ويوسف شاهين، فكانوا عمالقة، لو احنا ضيعنا هيبة المخرج ضيعنا قيمة الفيلم، وفي إحدى خناقاتي مع أحمد زكي في أحد أفلام اللي قدمانها، قولت له النجومية تعملها على جمهورك، لكن في الاستديو زيك زي أي عامل في الاستديو، زيك زي العامل اللي بيشيل الكاميرا، لازم تسمع كلام المخرج، لو مسمعتش كلام المخرج كل العاملين في الاستديو مش هيدوا اعتبار للمخرج، فالقيم اختلفت تمامًا».