إيناس الدغيدي: أنا مثيرة للجدل عشان صادقة وفي مجتمعنا اتعودنا أن الصدق مش طبعنا

كشفت المخرجة إيناس الدغيدي، سر قلة ظهورها الإعلامي الفترة الأخيرة، حيث أكدت أن كل كلمة تقولها يتم تضخيمها بشكل كبير.

وأضافت في لقاءها مع الإعلامية إنجي على في برنامج أسرار النجوم على إذاعة نجوم إف أم: «مبحش أعمل أحاديث كثيرة، أول ما تكلم يشتغلوا عليا كل الناس، بشوف الموضوع سهل وبسيط ويكبروا، وبحب أبقى عزيزة ومظهرش كتير إعلاميًا».

متعودناش على الصدق والصراحة

وتابعت: «كل ست أشهر بحب الظهور الإعلامي، وللأسف احنا متعودناش على الصدق والصراحة، فلما بنكلم صراحة الناس اتخضت، فالناس كانت بتقولي متقوليش الكلام ده حتى أًصحابي، أنا مبفكرش بقول اللي حساه واللي جوايا».

واستطردت: «في اللقاءات مبحبش أرتب أقول إيه، أحب أقول فكري ومفهومي، ومش كل الناس تتقبل ده، ودلوقتي مبقتش أضايق من الهجوم، لأني أكتشفت أني خسرانة خسرانة من زمان من بداياتي في الإخراج، وأنا طول الوقت معنديش لوبي صحفي».