"ده مش مرض عشان يبقى فيه تعاطف".. رامي جمال يروي موقف مؤثر تعرض له بسبب البهاق

كشف الفنان رامي جمال عن موقف مؤثرًا تعرض له بسبب إصابته بمرض البهاق.

وأَضاف في برنامج عالوعد المذاع على قناة sbc الفضائية: «كنت خارج من الاستديو وسلمت على واحد، ومد إيده، ولما شاف إيدي، وسحب إيده، ووطى عمل نفسه بيربط الجزمة».

موقف مؤثر

وتابع:«أنا فهمت وقومت واخد عربيتي، وحاول يلحقني ويقولي أنت زعلت ولا إيه؟ قولت له، لا مزعلتش خالص، وروحت عند ناس صحابي كنا بنلعب بلاي ستيشن، وسبت دراع البلايستشن، وكتبت لو مقبلتونيش بالشكل ده، أنا معنديش مشكلة وعندي بيزنس تاني على الرغم من أن الفن بحبه جدًا لكن مش عايز يبقى وجودي بتعاطف».

وأردف :«أنا مش شايفه مرض عشان يبقى فيه تعاطف، ده حب من ربنا، وبيختبرني هل أنت راضي ولا لا؟ وأنا راضي جدًا، كتبت البوست الساعة 11، الدنيا مقلوبة بمعنى الكلمة، مفيش فن قدمته عملي حالة التعاطف اللي شوفتها دي، وأنا معنديش مشكلة من زعل حد بسبب القصة دي لكن عندي مشكلة أنك تتعاطف معايا كفنان بسبب مرضي».