عليه 150 ألف جنيه.. سبب وقف نقابة الموسيقيين للموسيقار محمد عبد السلام |خاص

كشف محمد حسن منظم الحفلات، سبب أزمته مع الموسيقار محمد عبد السلام بعد قرار المهن الموسيقية بإيقافه بشكل نهائي عن العمل.

وقال محمد حسن لـ”بصراحة”: محمد تعاقد معايا على 15 حفلة وعليه 150 ألف جنيه، ولم يلتزم ومدفعش فلوس، وبقالنا سنة ونص كل يوم النقابة تحاول التعامل معاه بالتراضي وهو مش بيجي خالص لحد النهارده والنقيب مصطفى كامل قرر إيقافه نهائي بسبب سوء التعامل.

وواصل: كل عقد كان بـ 10 الالاف جنيه، طب المفروض العقد ده فيه شرط جزائي، وحاولت احافظ على العلاقة اللي كانت بينا، وقعدنا 7 شهور في تفاوض والنقابة كان عندها علم بده، في الناس في النقابة حبوا يحلوها ودي كتير وهو ملتزمش.

إيقاف الموسيقار محمد عبد السلام

من جانبه كانت قد أعلنت نقابة المهن الموسيقية برئاسةمصطفى كامل، إيقاف عازف الأورج محمد عبد السلام، لعدم التزامه بالحضور أمام النقابة العامة لمناقشته في الشكاوى.