يا محلى المبسوطة قدام المشعوطة.. ياسمين عز تهاجم إحدى المذيعات

بدأت المذيعة ياسمين عز حلقتها ببرنامج " كلام الناس" عبر قناة Mbc مصر،بمهاجمة مذيعة آخرى بدون ذكر اسمها، وذلك بسبب حديثها عن كرامة المرأة بعد الزواج والدفاع عنها.

وقد قالت ياسمين، " الحمد لله أن ربنا شغلني بنفسي، مش بغيري وده اللى مخليني مبسوطة، مستكملاتاً، قالولنا زمان حكمة رائعة "المبسوطة قدام المشعوطة".

وتابعت كلامها قائلة، المبسوطة كلنا عارفينها، والمشعوطة يعني متشعوطة كده ولا على حامي ولا على بارد، مفلفلة اللهم ما احفظنا".

مهاجمة المذيعة الآخرى:

ووجهت ياسمين، الحديث بعد ذلك إلى مذيعة بعينها قائلة، " وأنا لما أتكلم عن الكرامة بين الزوجين، هو أنتي زوجة؟، لما أتكلم عن الرجل والست ، هل انتي ست؟، هو انتي ست من اللي أنا أقصدها ، إطلاقاً خالص، فشوفي إذا غنتي ممغوصة بنجاحنا خدي مسكن، وإذا انتي مشعوطة من كلامنا خدي مهدئ.

وأضافت عز، حابة تكوني ند بند وراس براس عوزي، حابة تكوني مسترجلة حبي، في كل الأحوال النوعيىة دي بتوع الصوت العالي والردح للرجالة والتحريض على خراب البيوت، حاسبينها على القسم الرجالي، فلما تجيلك واحدة مشعوطة معقدة محرضة، تجاربها فاشلة، وليكن من جماعة الست تبات بره البيت من غير علم جوزها ومن غير ظابط ولا رابط.

واستكملت ياسمين مهاجمة لتلك المذيعة،" الهاجس اللي بيكون في حياة المريض اللي عنده تجربة فاشلة، فعايز يخلى كل الستات فاشلة زيه، فتتشعوط أوى من جملتي إن مفيش كرامة بين الزوجين، ومن كتر الشعوطة تاخد الجملة بتاعتي وتعمل حكايات وروايات ونعمل منها حلقة.

ووحهت سؤال للمذيعة الآخرى، إيه دخلك بالمتجوزين؟ إيه حشرك بين المتهنيين؟ إيه علاقتك بالحنية والبنات المتهنية، المنطقة دى محظورة ماتجيش هنا تاني، لو جيتي هنا تتحرقي يا ماما.

واختتمت ياسمين حديثها عن تلك المذيعة قائلة، " إذا أنتي ممغوصة من حالك، ومشعوطة إحنا مالنا، حاشرة نفسك معانا ليه؟ مركزة معانا ليه؟ كرامتنا وإحنا حرين فيها، إجوازنا وإحنا حرين فيهم.

وحذرت ياسمين تلك المذيعة، قائلتاً لها، " لو ملقتيش من عندنا ماتنقشيش، من محتوانا ماتغشيش، وعلى شغل غيرك ماتشتغليش، وعن صوت الجهل وانتي أهله ماتتكلميش، وفي الدين متفتيش وعن رضا الرجال ماتحلميش، وإذا قلتوا على الرجل لا يجوز، يبقى عشان نرجع نغازل ونقول يجوز، عموماً أي حاجة فيها جوز إطلعي منها.