لو الأفلام حرام متتفرجوش عليها.. شيرين رضا ترد على منتقدي عدم عرض القاهرة مكة بـ مهرجان البحر الأحمر

كشفت الفنانة شيرين رضا سبب خروج فيلم “القاهرة مكة”، من مسابقات مهرجان البحر الأحمر السينمائي الدولي في دورته الثانية، مشيرة إلى أنها لا تريد أن تعيب في أحد بسبب منعه.

وقالت شيرين رضا خلال لقائها ببرنامج ET بالعربي ردًا على الانتقادات: مش عايزة أعيب في حد، بس احنا بنعمل فن، ومعتقدش المتشددين ليهم دعوة بينا، لأن الأفلام حرام فبيتفرجوا عليها ليهومفيش منع في مصر معتقدش، ومعرفش ليه الرقابة مدتلوش تصريح بس أكيد عندهم سبب، بس مش خوف من حد ليه نخاف مين هيعملنا إيه.

وأضافت: الفيلم مفيش فيه مشاكل، وأقدم داخل أحداث العمل دور صغير، يغير مسار منى زكي ضمن أحداث العمل.

كواليس مشاركة شيرين رضا دينا الشربيني في حدث بالفعل

وعن مشاركتها دينا الشربيني فيحكاية ولو بعد حين من مسلسل حدث بالفعل، قالت شيرين رضا:إحنا صحاب من زمان ودي فرصة حلوة أننا نشتغل مع بعض تاني، دي مش أول مره نشتغل مع بعض أصلًا،قبل كدا عملنا فيلم اسمه كدبة كل يوم، وليه الناس تستغرب، ولم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة.

وتابعت: كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني.

وعن شخصيتهما في العمل، قالت: هنكون أنا ودينا الشربيني أخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء.