إحنا صحاب من زمان.. شيرين رضا تكشف تفاصيل تعاونها مع دينا الشربيني بـ حدث بالفعل

كشفت الفنانة شيرين رضا عن كواليس مشاركتها للفنانة دينا الشربيني فيحكاية ولو بعد حين من مسلسل حدث بالفعل.

وقالت شيرين رضا خلال لقائها مع ET بالعربي: إحنا صحاب من زمان ودي فرصة حلوة أننا نشتغل مع بعض تاني، دي مش أول مره نشتغل مع بعض أصلًا،قبل كدا عملنا فيلم اسمه كدبة كل يوم، وليه الناس تستغرب، ولم أتردد ولا ثانية ولما قالولي دينا الشربيني قولت طبعا لأننا معندناش فرصة نقابل بعض في الحياة.

وأضافت: كل واحدة مشغولة وإحنا بنقعد مع بعض في نفس الكارافان وبنغير وبنعمل ميكب مع بعض، ولما عرضوا عليا أمثل لوحدي حكاية مستقلة في مسلسل حدث بالفعل رفضت وحبيت أكون مع دينا الشربيني.

وعن شخصيتهما في العمل، قالت: هنكون أنا ودينا الشربيني أخوات في المسلسل اللي بيدور في قصص حقيقية من ملفات لأطباء نفسيين والقصص مفزعة ومش عارفة إمتى هيتعرض ولكنه هيكون قريبًا وخارج الموسم الرمضاني وإحنا بنصور آخر حلقة وهنخلص الجزء الأول لأن العمل له أكتر من جزء.

حقيقة حمل شيرين رضا

في وقت سابق كانت قد آثارت الفنانةشيرين رضاجدلًا كبيرًا بعد ظهورها مساء أمس في حفل عشاء مجلة GQ الشرق الأوسط الذي استضافه مهرجان البحر الاحمر السينمائي في دورته الثانية.

حيث ظهرت الفنانةشيرين رضاببطن منتفخة، وظن الجمهور أنها حامل وجاءت تعليقات العديد:”شيرين رضا حامل ولا اي بيضحكوا علينا بالمكياج واللبس والله”،”هي شيرين حامل ولا اي”.