«كلنا بنبكي لغاية دلوقتي».. يسرا ترد على انتقادات رقصها في حفل السعودية بعد وفاة هشام سليم

ردت الفنانة يسرا على انتقادات رقصها في مهرجان البحر الأحمر السينمائي، الذي يختتم فعالياته اليوم، حيث انتقد البعض ظهورها ترقص في حفل للفنانة إليسا رغم وفاة الفنان هشام سليم قبل شهور.

قالت يسرا خلال لقاء مع “ET بالعربي“: “عمرك ما هترضي كل الناس، وأطلع أرد على مين؟ مين دول؟! ليه عايزني أنزل للمستوى دا! الزمن والوقت بيرد عليهم، حتى لو أزعجني ما بسمحش أنه يأثر فيا.. قالوا عليا كلام كتير جدا في موت هشام سليم أخو جوزي، وقالوا إني أنا وجوزي أطلقنا، وألفوا قصص وروايات، تفتكر أقلل من نفسي وأرد عليهم؟ دول عايزين لايكات وفلوس”.

إحنا بنبكي لدلوقتي

تابعت: “إحنا بنبكي لدلوقتي.. رقصنا، ضحكنا، اتكلمنا، اشتغلنا، قعدنا في البيت، إحنا بنبكي لحد دلوقت.. هشام يتحزن عليه ويتبكي عليه، هيقولولي بترقصي ليه؟ علشان لو كنت أقدر أموت ورا كل حد، كان زماني مت ورا أمي”.

كان مهرجان البحر الأحمر السينمائي الدولي، كرم نجمة السينما المصرية يسرا بجائزة اليُسر الفخرية الذهبية في حفل افتتاح الدورة الثانية للمهرجان.