«التطبيل موضة قديمة» .. خالد الجندي يرد على منتقديه بالتطبيل للمسؤولين في الدولة

وجه الشيخ خالد الجندي، عضو المجلس الأعلى للشئون الإسلامية، رسالة شديدة اللهجة، لمهاجمي انجازات الدولة من الجماعات المتطرفة، قائلا:"الجماعة المضللين اللي بيضللوا الناس بقول لهم، يا مضللين ياللي بتضللوا الناس قولوا كلمة حق في حق المسؤالين".

برنامج لعلهم يفقهون

وأضاف الجندي، خلال حلقة اليوم من برنامجه" لعلهم يفقهون" المذاع عبر فضائية " دي إم سي":"المسؤولين بشر زينا وليهم حق حلينا لما يعملوا انجازات نشد على إيديهم".

تشجع المسؤولين

وتابع:"لازم نشجع المسؤولين لما يعملوا معروف فينا ولازم ندعيلهم عشان يستمروا في إنجازاتهم، معقبا: لما نقولك ادعي لرئيس الجمهورية أنت بتدعي لقائد المركبة ولما تدعي لقائد المركبة أنت بتدعي لكل الركاب اللي موجودين في الأتوبيس".

السخرية من التدخل في الموازنة

وواصل:"لما تلاقي الحاج سليط بتاع البطاطا بيقول رأيه في سعر الدولار والموازنة والمزارع السمكية، يبقى لازم نقول عليه العوض ومنه العوض يبقى مفيش أمانة في الكلمة".

الحقيقة في التطبيل

وأكمل:"لما بنقول الحقيقة بيهاجمونا ويقولوا أنتوا بتطبلوا ، يا جماعة التطبيل بقى موضة قديمة، وأنا شخصيا مينفعش أطبل لحد لأني مأنفعش لأي منصب وزراي ولا أي منصب تاني ، معقبا:" أنا الوزارة الوحيدة اللي برسم عليها هي القبر".

وأردف:"ربنا يكون في عون الوزراء دول في هم ما يتلم، معقبا:" في عهد الرئيس السيسي، مفيش مسؤول بيعرف ينام ويتغطى، أو يعمل نفسه مطنش أو مش واخد باله، مختتما الحمد لله الذي عافانا بما اختبر به غيرنا من الوزراء، وياريت متسمعوش لشيوخ الغل".